Gipahigayon sa Barangay Silano ang hiniusang miting sa Barangay Anti-Drug Abuse Council (BADAC) ug Barangay Peace and Order Council (BPOC) aron palig-onon ang koordinasyon sa mga lokal nga opisyal, kapulisan, ug mga stakeholder sa komunidad sa kampanya batok sa illegal nga droga ug krimen.
Sa maong miting, gihisgutan ang implementasyon sa mga anti-drug programs, monitoring sa mga indibidwal nga nalambigit sa ilegal nga droga, ug mga estratehiya aron mapadayon ang kalinaw ug kaluwasan sa barangay.
Gipasiugda sa BADAC ug BPOC ang ilang padayon nga papel sa pagpahibalo sa komunidad, pagpahigayon sa preventive measures, ug pagpatuman sa mga balaod ug ordinansa nga may kalabotan sa peace and order.
Kini nga inisyatibo nagpakita sa hiniusang paningkamot sa barangay, kapulisan, ug partner agencies aron mapadayon ang usa ka luwas, malinawon, ug drug-free nga komunidad sa Barangay Silano.(IKEN B. GULLEM)
Source: Piñan Municipal Police Station ZNPPO