Balhog karon sa prisohan homan masikop ang usa ka babaye nga wanted sa kasong Estafa atol sa gipatoman nga joint manhunt operation niadtong Hunyo 18, 2026, mga alas 4:20 sa hapon, didto sa Brgy Dawo, Dapitan City, Zamboanga del Norte.
Ang dinakpan nga wanted person nga si alyas “Reyna”, 35-anyos,babaye, minyo ug residente sa Barangay San Pedro, Dapitan City, Zamboanga del Norte, gidakop pinaagi sa mga personahe sa Dapitan City Police Station uban sa 1st ZN PMFC, 901st MC RMFB9 ug Mabuhay SBC 5TH SOU MG pinasikad sa warrant of arrest tungod sa kasong Estafa ubos sa criminal case no. 21175, nga gi-isyu ni Presiding Judge Hilarion Jonathan Garcia Maagad sa MTCC, 9th Judicial Region, Dapitan City, Zamboanga del Norte nga gipetsahan Hunyo 17, 2026 nga adunay piyansa nga Php24,000.00.
Ang dinakpan gipahibalo sa hinungdan sa iyang pagkadakop ug mga katungod konstitusyon sa usa ka diyalekto nga iyang nasabtan ug anaa na kini karon sa kustodiya sa Dapitan CPS alang sa hustong disposisyon.(MEDALYN U. BORJA)
Source: ZNPPO