Gi aresto sa gipahigayon nga law enforcement operation sa mga tinugyanan sa balaod ang usa ka 56 anyos nga lalaki, sa may alas 11:50 ang takna sa buntag, Enero 21,2025 didto sa Purok Boongon, Brgy. Milad, Polanco, Zamboanga del Norte.
Ang dinakpan naila nga si Mario Paalisbo Malumbres, alyas “Jaime “,minyo,walay trabaho ug lumulupyo sa nasangpit nga Barangay,kinsa gi-aresto tungod sa paglapas sa Section 78 sa Presidential Decree No. 705, nga may kalabotan sa ilegal nga pagpanag-iya, pagbaligya, ug pagdala sa mga produkto sa lasang.
Na aresto kini pinaagi sa mga personahe sa Tracker Team sa Polanco MPS, subay sa warrant nga giisyu ni Hon. Deborah P. Garcia-Nazario, Judge sa Ninth Judicial Region, MCTC sa Polanco, pinetsahan og Pebrero 5, 2020,nga adunay girekomendar nga piyansa nga P36,000 alang sa iyang temporaryong kagawasan.
Ang suspek gipahibalo sa kinaiya sa iyang pagdakop ug sa iyang constitutional ug Miranda nga mga katungod ug anaa karon kini sa kustodiya sa Polanco MPS alang sa tukmang disposasyon.(MEDALYN U. BORJA)
Source: ZNPPO