Nasikop na sa kapulisan ang usa ka 27-anyos nga lalaki nga nailhan sa alyas “Wangwang”, nga Top 4 Most Wanted Person (MWP) sa tibuok probinsya sa Sugbo.
Gidakop kini sa mga sakop sa City Investigation and Detection Management Unit (IDMU) sa Cebu City Police Office (CCPO) ubos sa pangulo ni PLTCOL Narciso C. Abapo, niadtong Setyembre 26, 2025 sa Sitio Regla, Barangay Mabolo, Cebu City.
Si “Wangwang” giingong nalambigit sa kaso kalabot sa paglapas sa RA 9165 o Comprehensive Dangerous Drugs Act of 2002. Ang warrant of arrest batok kaniya gi-isyu sa Regional Trial Court Branch 18 sa Cebu City kaniadtong Setyembre 16, 2025 uban sa girekomendar nga pyansa nga ₱200,000.
Human sa pagdakop, gipahibalo dayon sa kapulisan ang iyang legal nga katungod ug kasamtangan kini gilakip sa kustodiya sa CCPO Custodial Facility.
Si PCOL Enrico Evangelista Figueroa, Acting City Director sa CCPO, mipadayag sa iyang pagpasalamat ug pagdayeg sa IDMU tungod sa ilang kusog nga operasyon. Iyang gipasabot nga padayon nga palig-onon sa kapulisan ang kampanya sa pagpangdakop sa mga wanted aron masiguro ang kalinaw ug kahapsay sa dakbayan sa Sugbo.
Source: CCPO
I via Renante Socia Lada