Nagpahigayon og outreach activity ang 1st Zamboanga del Norte Provincial Mobile Force Company pinaagi sa 2nd FOB Platoon, diin namahagi sila og pagkaon sa Barangay Poblacion, Dapitan City.
Tumong sa maong kalihokan ang paghatag og kalipay ug suporta sa mga kabataan sa komunidad, nga mitubag usab og positibo pinaagi sa ilang mga pahiyom ug pagpasalamat.
Sumala sa kapulisan, ang maong inisyatibo kabahin sa ilang padayon nga paningkamot nga dili lang magpanalipod sa katawhan kondili usab makatampo sa pagpalig-on sa relasyon tali sa pulis ug komunidad.
Gipasiugda nila nga ang tinuod nga serbisyo dili lang kutob sa pagpatuman sa balaod, apan apil usab ang pag-abot sa kasingkasing sa katawhan pinaagi sa pagpakita og pag-amuma ug pagtinabangay.(JENNIFER JR. DELICA)
Source: Zamboanga del Norte 1st Provincial Mobile Force Company