Dili mo-ubos sa usa ka libo ka mga residente sa Barangay Sitog, Katipunan, Zamboanga del Norte ang ni nidugok sa Gugma Ayuda ni Nanay Nene Outreach Program, Hunyo 16, dungan sa kasaulogan sa ilang ika-68 nga founding anniversary maong barangay.
Dala sa Team Ayuda ni Governor Rosalina “Nanay Nene” Jalosjos ang serbisyo medical ug ingon man ang mga personahe gikan sa Provincial Social Welfare and Development Office (PSWDO) nga maoy nanghatag sa taglima sa kilo nga commercial rice.
Sa nasayran, ang team sa Provincial Health Office kon PHO adunay kinatibuk-an nga 513 ka mga indibidwal ang nakonsulta ug nahatagan sa mga bitamina ug tambal.
Sa dental services adunay 97 ka indibidwal ang naibtan sa ngipon.
Aduna usay 28 ka mga indibidwal ang natuli.
Samtang gikalipay usab sa mga residente ang taglima ka kilo sa commercial rice nga gipang-apod-apod sa PSWDO.
Ang PSWDO nagdala ug 1,000 bags of rice diin kini ang gihurot ug panghatag sa mga nidugok sa nasangpit nga ayuda ug medical services.
Sa kabahin ni Barangay Kapitan Regie Porto sa Sitog, siya ang mipaabot usab sa iyang pagdayeg ug pagpasalamat sa gobernador sa gihatag nga ayuda ug lakip na ang pagtubag sa ilang gihangyo nga ipa-semento ang ilang kalsada.
Sa nasayran, anaa na sa 50 porsiento nga completed ang phase 1 sa road concreting nga nanukad gikan sa Barangay Patik.
(Source: Provincial Information Center ZaNorte Facebook page)