Padayon karon ang gihimong inbestigasyon sa mga sakop sa Philippine Coast Guard (PCG-7) sa nahitabong sunog sa usa ka barko.
Ang MV Esperanza Star, usa ka passenger-cargo ubos sa Kho Shipping Lines Inc. nasunog sa kadagatan didto sa Panglao, Bohol.
Pasado alas 3:55 kagahapon sa kadlawon, Hunyo 18, 2023 nadawat ang alarma sa sunog og dali kining na respondihan sa taga PCG-7 .
Nikabat og pipila ka oras ang pakig kumbati sa sunog og na fire -out kini pasado alas 10:00 na sa buntag.
Aduna kini 120 ka mga pasahero lakip na ang mga crew niini nga nagbiyahi gikan sa Siquijor paingon sa Bohol.
Gidayig usab sa maong shipping company ang tabang sa Trans Asia 19, mga mananagat og PCG sa pagrescue sa mga pasahero.
Ang Philippine Coastguard padayong nag inbestigar sa hinungdan sa maong sunog.
Nagpasalamat usab ang tagduma sa maong barko na bisan sa maong sunog way gikatahong nakalas. (Renante Lada, photo courtesy of PCG-7)