Isip kabilin ni Presidente Duterte nga mao ang Barangayanihan Caravan tungod sa National Recovery, ang kagamhanang lokal sa Dapitan misagop niini nga programa.
Ang tumong niini nga mapalig-on ang diwa sa panaghiusa sa mga nagkalain-laing ahensya aron paghatod ug serbisyo ilabina niining panahon sa pandemya.
Mokabat 786 ka pamilya ang midawat sa mga ayuda nga gikan sa walo ka purok nga gikan sa Talisay, Pasil, Naga, Nipa, Kawayan, Sanga, Bakhaw ug Piape.
Inisyatibo kini ni Mayor Rosalina G. Jalosjos nga gisuportahan ni 1st District Congressman Romeo Jalosjos, Jr. ug kanhi kongresista Seth Fredereck “Bullet” Jalosjos aron mahatagan ang tanang katawhan sa tibuok dakbayan.
Misuporta usab ang buhatan sa DILG, PNP, CHO, Veterenarian Office, Agriculture Office, City Registrar ug CSWDO aron sa paghatag ug serbisyo alang sa mga katawhan.
Mipahigayon usab ug feeding program sa mga kabataan ug paraffle nga cooler aron magamit sa mga mananagat.
Nagpasalamat si Kapitan Cyrus Alipoyo uban sa iyang mga opisyales sa paghatag sa ayuda ug serbisyo ngadto sa ilang katawhan sa barangay.
(News and photo courtesy of City Information Division-CID-Dapitan Facebook page)