MUABOT sa 20 ka mga vaccination sites nga gidumala sa LGU-CDO ang abli atol sa tulo ka adlaw nga national vaccination days karong November 29-30 hangtod December 1 ning tuig.
Sigun ni Antonio Resma Jr., focal person sa CDO Bayanihan, Bakunahan target mabakunahan sa syudad ang kapin 20,000 ka mga vaccinees matag adlaw nga naglangkob sa 12 anyos pataas sa maong petsa.
Atol sa CDO Bayanihan, Bakunahan abli ang mga LGU-CDO managed mega vaccination sites sa SM Downtown Premier, SM City Uptown, Robinson’s Mall, Limketkai mall ug City Mall-Iponan.
Samtang sa barangay-based vax sites, abli usab ang mga tunghaan nga napili isip strategic locations sama sa Bugo Elementary School, Gusa Elem School, East City Central School, Cugman Elem School, Tablon Elem School, Agusan Senior High School, Kauswagan Elem School, Canitoan Elem School, Pagatpat Elem School, Bonbon Nat’l High School, Balulang Elem School, Camaman-an Elem School, Puntod Elem School, Indahag Elem School ug West City Central School – Carmen.
Sa laing bahin, magpadayon usab ang CDO COVID-19 mobile vaccination team sa pagpamakuna sa Barangay Tagpangi ug Pagalungan.
(Source: Cagayan de Oro City Philippines Facebook page)