DAVAO CITY – Napatay ang usa ka lalaki nga nailhan sa kapulisan nga si Mike Pusaka, samtang samdan ang iyang asawa nga si Pahima Pasawiran Pusaka, kapitan sa Barangay Población 5, human gipangbira sa wala mailhing armado kaganihang buntag, Setyembre 16.
Base sa inisyal nga report, sakay sa SUV ang magtiayon dihang giluthangan sila. Apektado sab ang usa ka tricycle driver sa Payong-payong nga nadamay ug namatay.
Ang insidente nahitabo sa Jose Lim Street, Barangay Población 5, diin narekober sa mga otoridad ang kapin 50 ka basyo sa bala.
Padayon pa ang imbestigasyon sa kapulisan aron matino ang motibo sa krimen. (Camille Santos Naraga)(Source: Contributed)