Nakadawat og Plaque of Recognition ang Local Government Unit (LGU) Dapitan, atol sa gipahigayon nga Mayor’s Night at Handa Pilipinas Mindanao 2025, didto sa Palacio Del Sur, Marcian Garden Hotel sa Zamboanga City, niadtong nakalabay’ng adlaw Setyembre 22, 2025.
Nasayran nga ang nasangpit nga Award, bahin sa gibuhat sa City Dissater Risk Reduction Management Council (CDRRMC) nga Resolusyon sa pag-adoptar sa DOST-PHIVOLCS Rapid Earthquake Damage Assessment System (REDAS) diin mao kini ang nahimong hinungdan, nga mabantayan ug mapangandaman niini, ang mga emerhinsiya ug mabuhat ang insaktong pagpangandam ang unsa mang matang sa mga emergency situation.
Gidawat ang nasangpit nga Plague of Recognition nila ni Engr. Nelson A. Quimiguing nga maoy Head sa CDRRMO sa Dapitan City, lakip usab niini ang OIC-MISO pinaagi ni Ms. Rizza D. Page, maingon man si Konsihal Dennis A Tan.
Matud pa nga nakab-ot sa naasoy nga buhatan ang nahisgutang Award, tungod sa lig-on nga suporta niini sa Lokal nga Pangagamhanan sa pagpanguna ni Mayor Evelyn T. Uy.(Julius Esmade)
Source: CITY GOVERNMENT OF DAPITAN