Gipahigayon sa mga Personahe sa Dapitan PNP ang Badac Pre-assessment ngadto sa duha ka Barangay, nga mao ang Barangay Burgos ug ang Barangay Hilltop, nga parehong sakop sa Dakbayan sa Dapitan, ning Probinsiya sa Zamboanga Del Norte, kagahapong adlawa, Hulyo 8, 2025 sa may alas 9:00 sa buntag.
Ang nasangpit nga Pre-assessment sa nahisgutang mga Barangay, gipangunahan ni Plt. Mariannie D Mandi, inabagan ni Pcms Marwin L Cimafranca ang nagnuna sa Ccad Pnco sa Dapitan City Police Station, diin malampusong napahigayon sa maong higayon ang Barangay Anti-drug Abuse Councel (BADAC) Pre-assessment.
Nasayran nga Regular ng gipahigayon sa mga Personahe sa Dapitan City Police Station ang nahisgutang BADAC Pre-assessment, tungod kay gustong mapiho sa mga Kapulisan sa maong Syudad, kon ang gipiyal kanila nga Dakbayan, nagpabilin ba kini sa istado nga Drug Cleared City.
Ang pahayag nga giluwatan sa Dapitan Pnp alang sa mga katawhan sa nahisgutang syudad, nga kun aduna kamoy mga namatikdan nga dili maayong mga binuhatan sa inyong mga lugar, itawag lamang ninyo kini sa hotline number sa ilang estasyon, aron ila dayon kining maaksiyonan.(Julius Esmade)
Source: DAPITAN CITY PNP