Human sa dugay nga pagpa-abot ug pagpangandam, opisyal nang mosugod ang kahinam ug kasadya sa Kinabayo 2026 pinaagi sa Grand Opening nga ipahigayon karong umaabotHulyo 10 (Biyernes) sa Dapitan City Hall.
Gilauman nga mapuno sa musika, kalingawan, ug mabulukon nga selebrasyon ang maong gabii, diin ipahigayon ang opisyal nga launching sa Kinabayo Queen 2026, uban sa live performances gikan sa Road21, DJ Kitty G, Jef Carram, ug uban pang espesyal nga mga artista. Mopuno usab sa kahinam ang fireworks display nga simbolo sa opisyal nga pagsugod sa labing dako nga kasaulogan sa siyudad. Samtang, magsugod ang band performances alas-7:00 sa gabii.
Giawhag usab sa City Government of Dapitan ang tanang Dapitanon ug mga bisita nga makig-uban sa pagsaulog sa dato nga kultura, panaghiusa sa komunidad, ug pagpasidungog kang Señor Santiago, ang patron sa siyudad.(IKEN B. GULLEM)
Source: Dapitan City Government