Gidawat sa mga miyembro sa Cocob Alsa Masa Farmers Association ang 2,000 ka lubi nga punla isip kabahin sa programa sa gobyerno alang sa pagpalambo sa agrikultura niadtong Abril 25, 2026.
Gipahigayon ang distribusyon sa Covered Court sa Barangay Cocob pinaagi sa Zamboanga del Norte 2nd PMFC R-PSB Team nga gipangulohan ni PLTCOL Edwin D. Verzon, uban sa suporta sa Philippine Coconut Authority (PCA) ug sa Local Government Unit (LGU) sa Gutalac.
Matud pa sa mga opisyal, ang maong panagtambayayong nagtumong sa paghatag og dugang oportunidad sa panginabuhian sa mga mag-uuma ug pagpalig-on sa produksyon sa lubi sa lugar. Gilauman usab nga makatabang kini sa pagpauswag sa ekonomiya sa komunidad.
Mipahayag usab ang mga benipisyaryo sa ilang pagpasalamat sa programa nga naghatag kanila og bag-ong paglaum alang sa mas lig-on ug malungtarong umahan sa umaabot.(IKEN GULLEM)
Source: Zamboanga del Norte 2nd PMFC