Ang Serbisyo Bilis gapahigayon ug libreng serbisyo sa Barangay didto sa Barangay ANTIPOLO sakop sa Dapitan City.Diin gahatag kini ug libreng mga serbisyo, nagpahigayon kini ug panghatag sa mga tabang ngadto sa mga residente sa barangay.
Ang mga serbisyo naglangkob sa dental,medical consultation, legal advice, agricultura,veterinary services ug ingon man ang buhatan sa CSWDO gahatag usab ug serbisyo.
Ang buhatan sa City Health Office naghatag ug libre nga konsultasyon sa 112 ka tawo, apil na ang paghatag sa libre nga tambal ug bitamina matag usa nga mitambong. Aduna usab ang libreng pagtuli sa 16 ka mga bata, ug dental check-up alang sa 17 ka mga indibidwal. Samtang ang City Social Welfare and Development Office (CSWDO) naghatag usab ug tag-5 kilos nga bugas alang sa 300 ka pamilya, samtang 100 pares nga tsinelas alang sa mga bata ug 250 cups nga champorado para sa mass feeding. Nahatag usab sila ug 1 ka walking stick, 1 ka quadcane, ug 1 ka crutches alang sa mga nanginahanglan niini nga mga PWD.
Ang buhatan sa City Agriculture nga naghatag usab ug tag 65 ka seeds ug 60 ka seedlings sa nagkalain-laing utanon, ug 40 packs sa uria fertilizer alang sa mga mag-uuma sa barangay. Ang City Veterinary Office nagpurga sa 670 ka manok, 8 ka baka, 7 ka kabaw, 52 ka kanding, 16 ka kabayo, ug 20 ka pabo. Naghatag usab sila ug mga bitamina alang sa 670 ka manok ug 20 ka pabo. Ang mga hayop giatiman usab sa medical treatment, lakip ang 670 ka manok, 20 ka pabo, usa ka iro, ug 2 ka baka.
Para sa mga kahayupan gapahigayon usab ug anti-rabies vaccination alang sa 52 ka iro ug 4 ka iring. Adunay 8 ka indibidwal ang na-akomodar sa buhatan sa City Civil Registrar alang sa Late Registration ug 1 ka lumulopyo ang na-akomodar sa City Legal Office nga nagkinahanglan ug Legal Advice. Si Punong Barangay Samuel J. Elcamel ug mga katawhan mipaabot ug dakung pasalamat kang Mayor Bullet Jalosjos ug mga opisyales sa dakbayan sa mga libreng serbisyo ug ayuda sa programa nga ilang naangkon ug gihatagan ug pagtagad ang ilang barangay.(Angelica T. Obina)
Source: City Government of Dapitan