General Santos City – Si PBGEN ARNOLD P ARDIENTE, Regional Director sa Police Regional Office 12, nipahigayon ug ocular visit aron masiguro ang kaluwasan ug pagmintinar sa kalinaw atol sa pagsaulog sa Kalilangan Festival.
Isip kabahin sa iyang paningkamot sa kaluwasan sa publiko, si PBGEN ARDIENTE aktibong nagdumala sa pipila ka mahinungdanong mga kalihokan sa rehiyon.
Usa sa mihimamat sa labaw sa PRO-12 sa personal nga pag-inspeksiyon niini sa mga sites sa KALILANGAN FESTIVAL activity areas mao si Gensan City Councilor, ATTY. JOSE EDMAR YUMANG partikular lugar diin nahimutang ang mga Kubo-kubo sa nagkadaiyang Barangay nga misalmot sa pa-kontest sa panindotay og mga Kubo.
Atol sa pagbisita, iyang gimonitor ang nagpadayon nga mga panghitabo, nga naglakip sa gipaabot nga 8th Philippine International Tourism Conference 2025 sa KCC Mall of Gensan, ingon man ang tradisyonal nga Bahay Kubo Contest nga gipahigayon sa Plaza Heneral Santos.
Ang iyang mga paningkamot nagsiguro nga ang tanang tigtambongan sa kapistahan makatagamtam sa kapistahan sa luwas ug hapsay nga palibot. (Rem Agdon)
News&Photos: RPIO-PRO12