Andam na gamiton sa Local Government Unit (LGU) sa Sindangan ang duha ka bag-ong municipal buses aron suportahan ang mga opisyal nga kalihokan sa gobyerno, educational ug sports events, ingon man ang emergency ug disaster response operations sa munisipyo.
Gipanalanginan ug opisyal nga giturn-over ang mga sakyanan sa seremonya nga gipangunahan ni Mayor Glona G. Labadlabad, uban ni Vice Mayor Florentino “Boy” Sy, mga miyembro sa Sangguniang Bayan, mga department heads, empleyado sa munisipyo, ug uban pang mga bisita.
Sumala sa LGU, ang pagdugang sa duha ka buses magpalig-on sa transport capability sa munisipyo ug makatabang sa mas episyenteng pagpatuman sa mga programa ug serbisyo alang sa mga Sindanganon.
Ang maong inisyatibo kabahin sa padayon nga paningkamot sa lokal nga panggamhanan nga mapaayo ang paghatod sa serbisyo ug matubag ang nagkalain-laing panginahanglan sa komunidad.(IKEN B. GULLEM)
Source: Municipality of Sindangan