Gipahigayon ang usa ka courtesy call ug coordination meeting uban ni PMAJ Roberto Enriquez Jr., Assistant Chief sa Regional Anti-Cybercrime Unit 9, kauban ang PNP Anti-Cybercrime Group Cyber Response Team sa Zamboanga del Norte, isip lakang sa pagpalig-on sa cyber security sa lungsod sa Polanco.
Sa maong panagtipok, gihisgutan ang mga paagi aron mas mapalig-on ang panaghiusa ug kooperasyon batok sa nagkadaghan nga cyber-related crimes nga naghulga sa kaluwasan sa komunidad, ilabina sa digital nga palibot.
Gipadayag usab ang personal nga suporta pinaagi sa pag-donate og usa ka smartphone aron makatabang sa mga operasyon sa PNP Anti-Cybercrime Group dinhi sa probinsya, isip konkretong porma sa pakigtambayayong alang sa mas epektibong serbisyo publiko.
Ang maong inisyatiba nagpakita sa usa ka lig-on nga panaghiusa tali sa lokal nga liderato ug sa kapulisan sa pagpanalipod sa katawhan batok sa cybercrime, ug nagpalig-on sa komitment sa pagmintinar sa kaluwasan ug kaayohan sa tibuok komunidad sa Polanco.(JENIFFER JR. DELICA)
Source: Mayor Ying Uy