Mainiton nga gidawat sa Bureau of Fire Protection personnel sa Katipunan Municipal Fire Station ang mga kabataan gikan sa Child Development Center sa Barangay Langatian, Roxas, Zamboanga del Norte, isip kabahin sa ilang educational tour ug station visit.
Ang kalihokan gipangulohan ni FINSP Richard A. Parame, Acting Municipal Fire Marshal, uban sa presensya sa mga magtutudlo nga gipangulohan ni Ma’am Margie Geho, diin gipaila sa mga bata ang palibot sa fire station ug ang fire truck pinaagi sa usa ka guided tour.
Atol sa kalihokan, gitudluan ang mga kabataan sa sukaranang fire safety, gipaila ang nagkalain-laing firefighting equipment, ug gipatin-aw ang importante nga papel sa mga bombero sa pagpanalipod sa kinabuhi ug kabtangan sa komunidad.
Pinaagi sa maong inisyatiba, nagpadayon ang BFP sa pagpalig-on sa kahibalo sa kabatan-onan mahitungod sa kaluwasan ug pagtanom og kahibalo ug respeto sa trabaho sa mga bombero isip kauban sa pagtukod og luwas ug andam nga komunidad.(JENIFFER JR. DELICA)
Source: BFP R9 Katipunan Fire Station