Daling girespondehan sa Labason Municipal Fire Station ang usa ka emerhensiyang medikal sa Barangay Gabu, Labason, Zamboanga del Norte niadtong Abril 17, 2026 ubos sa pagpanguna ni FINSP Joel S. Sabijon, Acting Municipal Fire Marshal.
Sa pag-abot sa lugar, nasuta nga ang pasyente usa ka lalaking college student nga buhi ug responsive apan nakasinati og pagkurog ug kusog nga kabog sa dughan.
Gihimo dayon sa rescue team ang hustong assessment ug gihatagan og unang tabang, samtang gipahimutang ang pasyente sa komportableng posisyon ug gipakalma aron malikayan ang paglala sa kahimtang.
Human sa inisyal nga pag-atiman, dali nga gidala ang pasyente sa Labason District Hospital alang sa dugang nga eksaminasyon ug tukmang medikal nga pagtambal.(JENNIFER JR. DELICA)
Source: BFP R9 Labason Fire Station