Dead on arrival sa ospital ang usa ka foreigner human nadasmag ang gimanehong motorsiklo didto sa National Highway Barangay Larayan sa Dapitan City Hunyo 10,2025.
Sa gipagawas nga spot report sa Traffic Division sa Dapitan PNP, nahibaloan nga ang biktimang langyaw kinsa nagmaneho sa iyahang single motorsiklong Yamaha Aerox subay sa may National Highway gikan sa Brgy. Larayan padulong unta sa Polo sa siyudad sa Dapitan.Ug sa dihang paghidangat niini sa Purok Bougainvillea, sakop sa maong barangay, aksidenteng gikadasmag sa laing single motorsiklo Honda Wave 100cc color pula/itom, nga gimaneho sa usa ka Ritchie Calasang Acebo, 36 anyos, samtang ang honda wave nga gimaneho ni Acebo, miagi sa parehong direksyon ug sadihang ni U-Turn si Acebo aksidenteng nagkabangga sa naghaguros nga Yamaha Aerox nga gimaneho sa Foreigner hinungdan sa pagkasukarap niini ug miresulta sa grabeng samad ug bun-og sa kalawasan sa maong langyaw.
Dali gilayong gidala sa pinakaduol nga tambalanan sa Jose Rizal Memorial Hospital apan pakyas ang gaatiman nga doctor sa pagluwas niini tungod sa nahiagom nga mga samad ug bunol sa kalawasan ug gi-deklarar nga dead on arrival ang langyaw.(Angelica T. Obina)
Source Dapitan CPS