Usa ka Induction Ceremony ang malampusong napahigayon alang sa mga bag-ong napili nga mga opisyales sa Integrated Bar of the Philippines (IBP) Zamboanga del Norte Chapter, niadtong Hunyo 5,2025,didto sa Silvia’s Best, Mibang Hotel, Barangay Sta. Filomena, ning dakbayan sa Dipolog.
Ang nasangpit nga seremonyas gipangulohan ni Atty. Karl Rigo E. Adrino kinsa maoy Chapter President kauban sa iyang mga kaubang opisyal, nga opisyal nga nanumpa sa katungdanan.
Kini nga kalihokan gisalmotan usab sa Mayor ning dakbayan sa Dipolog nga si Mayor Darel Dexter T. Uy,kinsa mao ang nahimong guest speaker sa programa,diin siya mipadayag sa iyang pagdayeg ngadto sa mga napiling opisyales sa iyang walay pu-as nga suporta ngadto sa misyon sa matag IBP sa pagpatigbabaw sa hustisya nga magpamatuod sa ilang integridad,pagpatuman sa balaod nga usa ka pagpakita sa ilang pagkamatinud-anon sa ilang legal nga propesyon.(Medalyn U. Borja)
Source: Dipolog City Government