Gidayeg sa Liloy Fire Station ang mga residente sa Barangay Lamao, Liloy, Zamboanga del Norte tungod sa ilang dali ug maisugong pagtubag sa sunog niadtong Abril 18, 2026.
Sa report, ang mga lumulupyo misalmot dayon sa pag-apula sa kalayo pinaagi sa bucket relay, nga nakatabang dako sa pagpugong sa pagdako sa sunog samtang wala pa moabot ang fire responders.
Tungod sa ilang panaghiusa ug presensya sa hunahuna, napugngan ang mas grabeng kadaut ug posible pang pagkalat sa sunog sa ubang kabalayan sa lugar.
Gipasalamatan sa BFP ang komunidad sa ilang kooperasyon ug gihulagway kini nga ehemplo sa tinuod nga bayanihan nga makatabang sa pagluwas sa kinabuhi ug kabtangan panahon sa emerhensiya.(JENIFFER JR. DELICA)
Source: BFP R9 Liloy Fire Station