DIPOLOG CITY – Malampusong gipahigayon sa Capitol Grounds ang International AIDS Candlelight Memorial 2026 isip paghinumdom sa mga kinabuhi nga nawala tungod sa HIV/AIDS ug pagpakita og suporta sa mga Persons Living with HIV.
Gidala sa kalihokan ang temang “Light the Legacy: Remember • Advance • Act – Keeping the Light Alive” aron mapalambo ang awareness, prevention, treatment, ug pagwagtang sa stigma ug diskriminasyon.
Miingon si Dr. Benson D. Panaguiton nga ang memorial simbolo sa compassion, courage, ug commitment sa padayong pakigbatok batok sa HIV/AIDS.
Sa mensahe ni Darel Dexter T. Uy nga gipaabot ni Acting Provincial Administrator Charmie A. Yu, gipadayag ang suporta sa provincial government alang sa inclusive healthcare ug pag-atiman sa katawhan.
Samtang, giawhag ni Ma. Abigail B. Khio ang publiko nga ipadayon ang edukasyon, prevention, testing, ug compassionate care aron mapadayon nga buhi ang kahayag sa paglaum alang sa tanang naapektuhan sa HIV/AIDS.(JENIFFER JR. DELICA)
Source: Zamboanga del Norte Provincial News Network