LILOY, Zamboanga del Norte – Girespondehan sa Shift A EMS Duty Personnel sa Liloy Municipal Fire Station ang usa ka medical emergency sa Brgy. Timan, Liloy, ZDN niadtong alas 6:40 sa gabii, Mayo 22, 2026, samtang nag-atubang usab sila og insidente sa sunog sa maong lugar.
Sumala sa report ubos sa pagpanguna ni FINSP Dave C. Dela Cruz, Acting Municipal Fire Marshal, usa ka silingan sa biktima sa sunog ang miduol sa EMS personnel human makasinati og pagkalipong ug sakit sa ulo.
Gialalayan ang pasyente paingon sa ambulansya ug gipalingkod sa hustong posisyon samtang gikuhaan og vital signs aron mamonitor ang kahimtang niini.
Dayon gidala ang pasyente sa Liloy Integrated Health District Hospital alang sa dugang medical evaluation ug pagtambal, samtang padayon nga gimonitor ang blood pressure niini hangtod luwas nga natugyan sa nurse on duty.(JENIFFER JR. DELICA)
Source: BFP R9 Liloy Fire Station