Dakpan ang usa ka 25 anyos nga Street Level Individual (SLI) atol sa gipatoman nga joint buy bust operation sa mga personahe sa kapulisan mga alas 10:58 sa gabii niadtong Mayo 19, 2026,didto sa Purok Farmers, Barangay Turno, Dipolog City, Zamboanga del Norte.
Ang maong dinakpan naila nga usa ka 25 anyos, ulitawo, walay trabaho, ug residente sa Purok 2, Barangay Poblacion, Roxas, Zamboanga del Norte, kinsa gidakop pinaagi sa mga personahe gikan sa Regional Drug Enforcement Unit 9 (RDEU9) Team ZN isip lead unit, uban sa mga personahe gikan sa Dipolog City Police Station, tungod sa paglapas sa Republic Act 9165, o nailhan usab nga Comprehensive Dangerous Drugs Act of 2002.
Nakumpiska atol sa operasyon gikan sa dinakpan ang nagkadaiyang pakete sa gituohang shabu nga mitimbang og kapin o kulang 70 gramos nga adunay gibanabanang kantidad nga P476,000.00 lakip ang mga butang nga dili druga.
Ang mga nakumpiskang droga itugyan ngadto sa Zamboanga del Norte Provincial Forensic Unit alang sa laboratory examination, samtang ang nadakpang suspek anaa karon sa temporaryong protective custody sa Dipolog City Police Station alang sa hustong disposisyon.(MEDALYN U. BORJA)
Source: ZNPPO