Balhog karon sa prisohan homan masikop atol sa gikasa nga operasyon ang usa ka 46 anyos nga lalaki nga nag atubang sa kasong Acts of Lasciviousness mga alas 11:00 ang takna sa buntag niadtong Mayo 11, 2026, niadtong Brgy. Sto. Niño, Dapitan City, Zamboanga del Norte.
Ang maong dinakpan naila nga si alyas ” Mar” 46 anyos, Lalaki, ulitawo, walay trabaho ug residente sa susamang lugar kinsa gidakop pinaagi sa Dapitan City Police Station (CPS) pinasikad sa warrant of arrest nga gi-isyu ni Hon. Anabelle Abellana Anggot-Obordo, Presiding Judge, RTC, Ninth Judicial Region, Branch 7, Dipolog City, Zamboanga Del Norte nga gipetsahan Abril 21, 2026 tungod sa kasong Acts of Lasciviousness ubos sa Article 336 sa Revised Penal Code (RPC), nga adunay CC no. 24561 alang sa pagserbisyo sa sentensiya.
Ang dinakpan gipahibalo sa hinungdan sa iyang pagkadakop ug mga katungod sa konstitusyon sa usa ka diyalekto nga iyang hingpit nga nasabtan ug anaa na kini karon sa kustodiya sa Dapitan CPS alang sa hustong disposisyon.(MEDALYN U. BORJA)
Source: ZNPPO