Sentro sa mga diskusyon sa ika-upat nga adlaw sa Zamboanga Peninsula Artificial Intelligence (AI) Roadmapping Workshop ang paglatag sa mga prayoridad nga estratehiya ngadto sa konkreto ug masukod nga mga plano alang sa pagtukod sa AI ecosystem sa rehiyon.
Gipadayon sa mga partisipante ang Strategy Contextualization sessions aron masiguro nga ang mga gilatid nga inisyatiba makatubag sa mga oportunidad ug hagit nga giatubang sa Zamboanga Peninsula. Gihimo usab ang mga Key Performance Indicators (KPIs) ug Success Indicators nga magsilbing sukdanan sa pagmonitor ug pagtimbang sa kalampusan sa mga AI-based nga programa ug proyekto.
Gipahigayon usab ang Milestone Mapping ug Sequencing aron mailhan ang mga prayoridad nga kalihokan, iskedyul sa implementasyon, ug mga lakang nga kinahanglan buhaton aron makab-ot ang dugayng panan-awon sa rehiyon alang sa artificial intelligence.
Natapos ang maong adlaw pinaagi sa presentasyon ug pagrepaso sa mga output isip kabahin sa pagpalig-on sa AI Roadmap nga maggiya sa kabag-ohan ug kalamboan sa Zamboanga Peninsula.(IKEN B. GULLEM)
Source: DOST Regional Office No. IX