Gipasiugdahan ni Department of Agriculture Secretary Francisco Laurel Jr. ang lig-on nga suporta sa national government alang sa dagkong proyekto sa agrikultura sa probinsiya atol sa iyang pagbisita para sa opisyal nga paglunsad ug MOA signing sa Rice-for-All Program niadtong Nobyembre 28, 2025.
Una niyang gipunting ang Deep-Water Port (Agriport) nga nagkantidad ug ₱1.5 bilyon, usa ka proyektong tuyo nga mapaayo ang imprastruktura sa probinsiya ug mapasayon ang pag-eksport sa mga produkto sa agrikultura.
Gilaraw usab ang pagpatukod sa Bagsakan ng Bayan Mega Food Hub, Cold Storage Facilities, ug Food Safety Laboratory, aron masiguro nga luwas ug kalidad ang pagkaon nga nagagikan sa Zamboanga del Norte.
Lakip sa giila nga prayoridad mao ang pagtukod sa Coconut Processing Plant, nga dako’g papel sa pagdasig sa lokal nga industriya sa lubi ug pagpalapad sa kontribusyon niini sa ekonomiya sa rehiyon.
Kining tanang proyekto kabahin sa mas dako nga tumong sa gobyerno nga himuong sentro ang Zamboanga del Norte sa Agriculture and Fisheries Development sa Western Mindanao—nga maghatag ug dugang nga oportunidad sa mga mag-uuma, mananagat, ug lokal nga negosyante samtang mosuporta sa padayon nga pagtubo sa ekonomiya sa nasud.(IKEN B. GULLEM)
SOURCE: ZAMBOANGA DEL NORTE PROVINCIAL NEWS NETWORK