Nasikop ang usa ka 34-anyos nga driver nga giingong misulay og paglugos sa iyang 13-anyos nga paryente didto sa Sitio Eskwelahan, Barangay Buhisan, Cebu City.
Ang suspetsado, nga gitawag og alias “Doro,” ulitawo ug residente sa maong lugar, gitanggong sa Labangon Police Station pagkagabii sa Sabado, Nobyembre 29, human moduol ang biktima ug ang inahan niini aron ireklamo ang insidente.
Sumala sa imbestigasyon, ang Grade 8 nga dalagita nga gitawag og alias “Liza” giingong gipugos og pasulod sa kwarto sa suspek samtang nangita unta siya sa iyang igsoon.
Didto, naabtan siya nga gihuboan na sa suspek pasado alas-8 sa buntag, apan wa madayon ang tukmang dautan kay adunay nakabantay sa hitabo ug dayon misumbong.
Giandam na karon ang kaso nga “rape” ubos sa Republic Act 8353 (Anti-Rape Law of 1997) batok kang alias Doro.
I via Renante Socia Lada