Gihugtan sa probinsya ang kampanya batok ilegal nga droga human gipahigayon ang exit conference sa ADAC Audit 2026 sa Provincial Capitol sa Dipolog City, human sa lawom nga pagsusi sa performance sa mga lungsod ug syudad.
Gipangunahan ni DILG Provincial Director Mario A. Baterna ang kalihokan, diin iyang gidayeg ang PADAC Core Team ug audit committee sa ilang seryoso ug sistematikong pagtan-aw sa mga programa kontra droga aron masiguro ang epektibong implementasyon niini.
Gipadayag sa miting ang resulta sa audit nga gipresentar ni DILG ADAC Focal Person Faye Edcel Marie C. Orga, ug gipormal pinaagi sa pagpirma sa ADAC Audit Rater, uban sa lig-on nga suporta sa PDEA, PNP ug uban pang partner agencies nga nagbarug sa maong kampanya.
Sa iyang mensahe, gipasiugda ni Governor Darel Dexter T. Uy nga dili dapat mokunhod ang aksyon batok droga, ug kinahanglan palapdon ang pagbantay apil ang kabaybayonan, samtang iyang gipadayag ang padayon nga paningkamot sa probinsya aron makab-ot ang usa ka limpyo ug drug-free nga Zamboanga del Norte.(JENIFFER JR. DELICA)
Source: Zamboanga del Norte Provincial News Network