Gibansay sa Philippine Statistics Authority ang mga personnel sa lokal nga panggamhanan sa Zamboanga del Norte sa hustong paggamit sa Community-Based Monitoring System o CBMS data aron mapalambo ang pagplano ug pagdesisyon sa gobyerno.
Gipahigayon ang lima ka adlaw nga training sa R Programming ug Data Management gikan Abril 27 hangtod Mayo 1 sa Top Plaza Hotel sa Dipolog City, nga gitambongan sa mga planning officers, statisticians ug technical staff gikan sa nagkadaiyang lungsod ug syudad sa probinsya.
Gipunting sa pagbansay ang pagpalig-on sa kahibalo sa paggamit sa CBMS, usa ka sistema nga nagtipon og datos gikan sa komunidad aron magamit sa paghimo og programa, monitoring ug pag-evaluate sa mga proyekto sa gobyerno.
Sumala sa PSA, ang maong inisyatiba makatabang aron ang mga desisyon sa LGUs mas base sa tinuod nga kahimtang sa katawhan, nga mosangpot sa mas hapsay, epektibo ug target nga paghatag serbisyo publiko.(JENIFFER JR. DELICA)
Source: Zamboanga del Norte Provincial News Network