Gipahigayon ang 2nd Coordination Meeting alang sa umaabot nga Inter-Agency Territorial Defense Operations Simulation Exercise in Urban Terrain niadtong milabay nga adlaw, didto sa 2nd Floor sa Museo Dipolog, Dipolog City.
Gipangulohan sa 97th Infantry “Kalasaglahi” Battalion ang maong tigom diin mitambong ang mga representante gikan sa nagkadaiyang lokal ug nasudnong ahensya sa gobyerno, lakip ang mga personnel sa Office of Civil Defense IX.
Gihisgutan sa mga partisipante ang mga logistical requirements ug pagpangandam alang sa simulation exercise nga gikatakdang ipahigayon sa Agosto 20, 2026, sa Dipolog City.
Gituki usab ang mga importanteng isyu ug kabalaka aron maporma ang komprehensibong plano ug masiguro ang hapsay nga pagpatuman sa maong kalihokan.
Mitambong sa tigom si Lieutenant Colonel Jesse G. Bergonia, Commanding Officer sa 97th Infantry Battalion. Si Captain Rolando Ranoco, Operations Officer sa 97th Infantry Battalion, maoy nanguna sa pagpresentar ug paghisgot sa agenda.
Samtang, mipadayag og mensahe sa suporta si Colonel Mandy T. Libertino ART, Director sa 902nd Community Defense Center, 9th Regional Community Defense Group, Philippine Army.(IKEN B. GULLEM)
Source: Dipolog City Government