Mitambong sa gipahigayon nga General Parent-Teacher Association (GPTA) Meeting ang mga personahe sa 905th Maneuver Company, Regional Mobile Force Battalion 9 (RMFB9), ubos sa pagpangulo sa PCPT ALNASHRIP A AROLA, didto sa Tapanayan Elementary School niadtong Hunyo 28,2026.
Ang maong panagtigom gihimo aron mapalig-on ang kahibalo sa komunidad ug mapalambo ang kaayohan sa matag estudyante.
Si PCPT AROLA atol sa tigom naghisgot kabahin sa nagkadako nga kabalaka sa bullying, cyberbullying, ug ang nagkadaghang insidente sa kapintasan nga naglambigit sa mga estudyante, pagpaminaw sa ilang mga kabalaka, ug paghatag og saktong giya, disiplina, ug emosyonal nga suporta.
Gipahinumdoman niya ang mga ginikanan nga usa sa labing epektibo nga paagi sa pagpugong niini nga mga isyu mao ang paggahin og kalidad nga panahon uban sa ilang mga anak—pagpakigsulti kanila kanunay, pagpangutana bahin sa ilang mga kasinatian.
Gihatagan niinig gibug-aton ang kamahinungdanon sa pag-monitor pag-ayo sa paggamit sa mga bata sa mga gadget ug internet,nagpahihumdon nga panalipdan ang ilang mga anak gikan sa makadaot nga online content, lakip ang sexually explicit nga materyal, bayolenteng content, cyberbullying, online exploitation, ug uban pang dili angay nga digital influences nga mahimong negatibong makaapekto sa ilang kinaiya, mithi, ug kaluwasan.
Giawhag ang mga ginikanan nga mahibal-an ang mga mobile application, website, social media platform, ug mga dula sa online nga gi-access sa ilang mga anak.
Dugang pa ni PCPT AROLA nga ang panimalay mao ang unang eskwelahan sa bata, ug ang mga ginikanan maoy ilang unang magtutudlo ug kinahanglan ang mga bata mahimong responsable, matinahuron, disiplinado, ug masinugtanon sa balaod nga mga indibidwal.
Kini nga aktibong pag-apil sa ginikanan,sa pagtudlo sa responsable nga paggamit sa digital uy saktong superbisyon pinaagi lig-on nga kolaborasyon sa mga magtutudlo ug komunidad mahimong disiplenado ang matag kabataan sulod ug gawas tunghaan.(MEDALYN U. BORJA)
Source:905th Manuever Company, RMFB9