Mipahigayon ug usa ka Information and Awareness Lecture atol sa Barangay Assembly Meeting ang mga personahe sa 905th Maneuver Company, Regional Mobile Force Battalion 9 (RMFB9), niadtong Hunyo 26,2026 didto sa Barangay Catuyan, Zamboanga del Norte.
Ang maong kalihokan gidumalahan ni PCPT ALNAHRIP A AROLA, Officer-in-Charge, diin tumong niini nga mapasiugda ang kamahinungdanon sa responsableng pagpanag-iya og hayop.
Usa ka lakang nga nagpahinumdom ngadto sa mga residente sa hustong pagkulong ug pagbantay sa ilang mga kahayopan, nga naglangkob sa kanding, kabaw, ug baka, ug dili pagtugot nga kini maglatagaw nga gawasnon sa mga dalan ilabi na sa highway.
Sa samang higayon,ang lecture naghisgot usab kabahin sa mga laag nga kahayopan nga peligroso kaayo sa mga motorista nga kasagarang hinungdan sa mga disgrasya sa kadalanan nga musangpot sa kadaot, pagkawala sa kinabuhi, ug kadaot sa kabtangan.
Gituki usab sa kalihokan ang ubang mga kampanya sa pagpahibalo sa kaluwasan sa publiko, lakip ang kaluwasan sa dalan, pagpugong sa krimen, kontra-ilegal nga droga, kontra-kriminalidad, ug ang kamahinungdanon sa pagreport dayon sa mga kadudahang indibidwal ug insidente ngadto sa mga awtoridad.
Gipakita pinaagi niini nga inisiyatibo ang lig-on nga pasalig sa mga personahe sa Philippine National Police (PNP) sa pagpalig-on sa panag-uban sa pulisya ug komunidad pinaagi sa padayon nga edukasyon, pagpakatap sa impormasyon.
Ang mga residente nga aktibong mosuporta sa mga programa ug inisyatibo sa PNP sa pagtinabangay sa mga tigpatuman sa balaod, pag-apil sa mga kalihokan nga nakabase sa komunidad, ug pagtinabangay aron mapalambo ang kalinaw, kahusay,kaluwasan sa publiko,ug aktibong pakiglambigit sa komunidad padulong sa pagtukod og mas luwas ug mas lig-on nga komunidad.
Ang mga residente giawhag sa pagpraktis sa responsableng pagdumala sa mga kahayopan aron masiguro ang kaluwasan sa tanang mogamit sa kadalanan.(MEDALYN U. BORJA)
Source: 905th Maneuver Company, Regional Mobile Force Battalion 9