Nagpagawas ang Philippine National Police (PNP) og pahimangno sa publiko bahin sa hustong buhaton kung adunay mahitabong mass shooting o active shooter incident. Giingon sa PNP nga ang labing importante mao ang pagpabiling kalmado ug unahon ang kaugalingong kaluwasan.
Kung adunay luwas nga agianan, kinahanglan dayong modagan ug mobiya sa lugar. Biyai ang personal nga mga gamit ug tabangi ang uban sa pag-ikyas kon luwas kini buhaton. Kon nakaabot na sa luwas nga dapit, ipahibalo dayon ang hitabo sa mga awtoridad pinaagi sa pagtawag sa 911 o sa pinakaduol nga police station.
Kung dili makagawas, pangitaa ang luwas nga dapit aron magtago. Sirad-i o barikadahi ang pultahan, patya ang suga, ug i-silent ang cellphone. Likayi ang mga bintana ug pultahan, ug magpabiling hilom hangtod moabot ang mga pulis.
Matud sa PNP, ang pagbatok sa suspek himuon lamang isip katapusang kapilian kung wala na gyoy laing paagi aron maluwas ang kinabuhi. Ang giya kabahin sa Run, Hide, Fight protocol nga gigamit sa emergency response aron mapanalipdan ang kinabuhi sa publiko hangtod moabot ang mga awtoridad.
📸 PRO8