Makasugod na sa temporaryong panginabuhian ang 79 ka residente sa Gutalac human makompleto ang orientation alang sa Tulong Panghanapbuhay sa Ating Disadvantaged/Displaced Workers (TUPAD) Program sa Department of Labor and Employment (DOLE) niadtong Agosto 3.
Sa maong gidaghanon, 60 ka benepisyaryo gikan sa Barangay Sibalic, Buenavista, San Vicente, Matunoy, ug San Roque ang motrabaho sulod sa 20 ka adlaw, samtang 19 gikan sa Barangay Upper Gutalac ug San Juan ang magserbisyo sulod sa 45 ka adlaw pinaagi sa community work.
Gipatuman ang programa pinaagi sa panagtambayayong sa DOLE ug Local Government Unit (LGU) sa Gutalac ubos sa pagpanguna ni Municipal Mayor Eddie Justin T. Quimbo.
Ang TUPAD usa ka emergency employment program nga nagtugot sa mga kwalipikadong benepisyaryo nga makabaton og temporaryong trabaho ug dugang panginabuhian.(IKEN B. GULLEM)
Source: LGU Gutalac- Public Information