Dili pulos kalingawan ang makita ug masinatian sa mga ZaNortehanon sulod sa Zamboanga del Norte Sports Complex, sa Barangay Estaka ning Dakbayan sa Dipolog kon diin gipahigayon ang 2024 Hudyaka Festival.
Sa ikaduhang adlaw, (Mayo 30, 2024) napahimuslan sa 70 ka mga ZaNortehanon ang medical mission nga gipasiugdahan sa Zamboanga del Norte Provincial Health Office (PHO) sulod sa 2024 Hudyaka Festival site.
Sa maong numero, 13 ang naibtan ug ngipon ug 57 ang nahatagan ug libreng konsultasyon-medikal uban ang libreng tambal.
Katambayayong sa personahe sa PHO sa maong gimbuhaton ang mga doktor, dentista ug mga nurses gikan sa Zamboanga del Norte Medical Center.
Ang Hudyaka Festival subling gipahigayon sa Kagamhanang Probinsyal sa ikaduhang higayon sa unang termino ni Governor Rosalina “Nanay Nene” Jalosjos atol sa kasaulogan sa ika-72 ka tuig nga kasumaran sa pagkahimugso sa Zamboanga del Norte isip usa ka lalawigan.
Ang 2024 Hudyaka Festival nga gisaulog gikan sa Mayo 29, hangtud Hunyo 6, 2024, nagdala sa temang: ”ZaNorte at 72 and Beyond, Accelerating Inclusive and Resilient Sustainable Development.” (Angelica T. Obina)
(Source: PIC)