Gilunsad sa Dipolog City ang Moral Recovery Enhancement Program o MREP aron mapalig-on ang maayong pamatasan, matinud-anong pagdumala ug responsableng pagserbisyo sa komunidad.
Gipahigayon ang kalihokan sa D’ Food Hub and Events Center sa Dipolog Boulevard diin nagtigom ang mga lokal nga opisyal, religious leaders ug community partners nga nagkahiusa sa pagpalambo sa usa ka matarong ug matinabangong katilingban.
Mitambong usab sa programa sila City Mayor Roberto Uy, City Social Welfare and Development Officer Patrick Jalapadan ug ubang chaplains ug opisyal nga misuporta sa maong inisyatibo.
Tumong sa programa nga mapalig-on ang moral values, honesty, accountability ug social responsibility isip kabahin sa padayon nga pagserbisyo sa syudad alang sa katawhan.(JENIFFER JR. DELICA)
Source: Dipolog City Government