Sa pagpadayon sa mga kalihokan karong panahona sa Kapaskuhan, 60 ka mga tag-iya sa MSMEs sa Munisipyo sa Rizal, Zamboanga del Norte ang aktibong mitambong sa Oplan Paskong Segurado Session nga gipahigayon sa DICT Zamboanga del Norte Team.
Ang kalihokan nagtumong sa paghatag kahibalo ug proteksyon sa mga lokal nga negosyante batok sa nagkadaghan nga hulga sa online ug digital nga kalibutan.
Gihatagan og dakong bili ang papel sa 60 ka partisipante isip haligi sa lokal nga ekonomiya, labi na karong mas nagsalig na ang mga negosyo sa online transactions ug digital platforms. Gipunting sa sesyon ang kahinungdanon sa pag-amping sa pinansyal nga transaksiyon, paglikay sa online scams, ug pagpanalipod sa sensitibong impormasyon sa negosyo ug mga kustomer.
Pinaagi sa interaktibong diskusyon ug tinuod nga mga kaso, ang 60 ka MSME owners nakakat-on sa pag-ila sa mga peligro sa internet sama sa phishing ug peke nga mga mensahe.
Gituki usab ang hustong paggamit sa social media ug mga praktikal nga lakang aron malikayan ang cyberattacks ilabi na sa panahon sa Kapaskuhan nga aktibo ang online nga kalihokan. Ang kalampusan sa kalihokan nagpakita nga ang 60 ka mga negosyante sa Rizal mas nahimong andam ug maalamon sa digital security.(IKEN B. GULLEM)
Source: DICT IX BASULTA