Nakadawat og 60 ka kahoy nga lingkuranan ug duha ka teachers’ tables ang Matunoy Elementary School gikan sa Lokal nga Panggamhanan sa Gutalac isip dugang nga suporta sa pagpalambo sa pasilidad sa edukasyon.
Personal nga giturn-over ni Mayor Eddie Justin Quimbo ang mga kagamitan nga kabahin sa implementasyon sa 1 Unit, 1 Classroom School Building Project nga gipondohan pinaagi sa 20% Economic Development Fund (EDF).
Tumong niini nga masiguro ang mas komportable ug episyenteng palibot sa pagkat-on alang sa mga estudyante ug magtutudlo.
Gipahayag sa LGU nga ang paghatag sa mga lingkuranan ug lamesa alang sa mga magtutudlo kabahin sa mas lapad nga programa sa munisipyo aron matubag ang panginahanglan sa mga pampublikong eskwelahan ug mapalambo ang kalidad sa edukasyon sa Gutalac.(IKEN B. GULLEM)
Source: LGU Gutalac- Public Information