Wala na maka-iskapo sa kamot sa mga tinugyanan sa balaod homan masikop ang usa ka 60 anyos nga Senior citizen atol sa gikasa nga operasyon mga alas 10:55 ang takna sa buntag niadtong Marso 2, 2026, didto sa Purok Morning Star, Barangay Olingan, Dipolog , Zamboanga del Norte.
Ang maong dinakpan naila sa alyas nga “Tatay Dokyo” 60 anyos lalaki, minyo, mag-uuma ug residente sa susamang lugar kinsa gisikop pinaagi sa mga personahe sa Dipolog City Police Station (CPS) pinaagi sa pagserbe sa Warrant of Arrest alang sa kasong Attempted Homicide nga naka docket sa Criminal Case No. A-41352, nga gi-isyu sa Presiding Judge sa Municipal Trial Court in Cities, 9th Judicial Region, Branch 1, Dipolog City, nga gipetsahan Pebrero 27, 2014 nga adunay piyansa nga mokabat sa Php 12,000.00.
Ang dinakpan anaa karon sa kustodiya sa Dipolog CPS alang sa hustong disposisyon.(MEDALYN U. BORJA)
Source: ZNPPO