Balhog karon sa prisohan homan masikop ang usa ka 55 anyos nga wanted person atol sa gipatuman nga hiniusang manhunt operationmga alas 3:00 sa hapon niadtong Marso 2, 2026, didto sa Purok Gabi, Barangay Hilltop, Dapitan City, Zamboanga del Norte.
Naila ang dinakpan nga wanted person nga si alyas “Tanley”, 55 anyos nga lalaki, minyo, mag-uuma, ug residente sa susamang Barangay.
Ang pagkadakop sa suspek gihimo pinaagi sa mga personahe sa Dapitan City Police Station (Led Unit), 1st ZNPMFC, ug 5th SOU MABUHAY SBC sa bisa sa ​​Warrant of Arrest alang sa Simple Seduction ubos sa Criminal Case No. 15421 ug Consented Abduction ubos sa Criminal Case No. 15420, nga gi-isyu sa Presiding Judge sa Municipal Trial Court in Cities, Ninth Judicial Region, Dapitan City, nga gipetsahan Enero 22, 1999 ug adunay piyansa nga Php 10,000.00.
Ang dinakpan gipahibalo sa hinungdan sa iyang pagkadakop ug katungod sa konstitusyon ug anaa na kini karon sa kustodiya sa Dapitan CPS alang sa hustong disposisyon.(MEDALYN U. BORJA)
Source: ZNPPO