Ipahigayon sa Lokal nga Panggamhanan sa Liloy ang 5th Mayor’s Cup Invitational 7-a-side Football Tournament karong Agosto 22 sa Liloy Central School Oval isip kabahin sa selebrasyon sa ika-75 nga Adlaw sa Liloy.
Magtapok sa maong torneyo ang mga koponan sa Men’s Open, Under 13 ug Under 10 aron magpasundayag sa ilang talento, disiplina ug sportsmanship. Adunay usab cash prizes ug mga tropeyo alang sa mga modaog sa Men’s Open, samtang mga tropeyo, medalya ug espesyal nga premyo ang gipaabot sa mga mananaog sa youth categories.
Abli ang pagparehistro alang sa mga gustong moapil, diin ang registration fee kay ₱2,000 alang sa Men’s Open ug ₱1,500 matag koponan sa Under 13 ug Under 10 categories.
Gidapit sa mga organisador ang tanang football teams sa pag-apil sa torneyo ug pakigkompetensya isip kabahin sa kasaulogan sa ika-75 nga Adlaw sa Liloy.(JENIFFER JR. DELICA)
Source: Municipality of Liloy