Nakadawat og tabang ang 871 ka habal-habal drivers sa Sibonga ug San Fernando gikan sa Cebu Provincial Government kagahapon Hulyo 29.
Sa Sibonga, 644 ka drayber ang nakadawat og ₱3,000 nga cash assistance ug 10 ka kilo nga bugas pinaagi sa “Bigay Bigas Para sa Masa” program. Gihatagan usab ang mga mag-uuma ug hog raiser og agricultural ug veterinary assistance, lakip ang walking-type tractor, mga bakuna sa kahayopan, ug veterinary supplies.
Gihatag usab ni Gov. Pamela Baricuatro ang ₱3 milyon nga ayuda alang sa socio-cultural activities sa pista sa Sibonga.
Human niini, mipadayon ang programa sa San Fernando diin 227 ka benepisyaryo, lakip ang habal-habal drivers, nakadawat usab og cash assistance, bugas, ug mga kagamitan alang sa agrikultura ug livestock.
Sa maong programa, misaad usab si Gov. Baricuatro nga mohatag og industrial fans alang sa Barangay Sangat Gymnasium aron mas komportable ang mga kalihokan sa komunidad. Samtang nagpasalamat si San Fernando Mayor Mytha Canoy sa tabang nga gihatag sa Kapitolyo ug sa pag-ila sa serbisyo sa mga habal-habal drivers.
I via Renante Socia Lada