Usa ka Sundown Clinic for Awareness seminar ang gipahigayon sa buhatan sa City Health niadtong Mayo 23, 2024 nga gipahigayon didto sa Sta. Filomena Multi-Purpose Hall, Sta. Filomena ning dakbayan sa Dipolog, diin 59 ka mga katawhan gikan sa Brgy. Sta. Filomena ang nisalmot sa programa.
Ang maong programa kalabot sa Prevention and control sa Human Immunodeficiency Virus (HIV), Sexually Transmitted Infection (STI), Tuberculosis (TB), ug Leprosy nga sakit.
Usa kini ka lakang sa Department of Health, ilabi na nga anaa silay existing program kabahin sa maong prevention sa tibuok nasud, tungod matod pa ilang nasayran nga mitaas ang pagkuyanap sa maong sakit sa atong nasod.Hinungdan nga gipangusgan karon sa DOH ang Sundown Clinic nga programa para sa pakigbatok sa sakit ug sa pagpakatap sa impormasyon kabahin sa maong sakit.
Si Punong Barangay Marlon B. Mejares, Punong Barangay mipaambit sa iyang pasalamat ngadto sa Dipolog City Health Officer, Dr. Rowel J. Mata nga gipadala niya si City Program Coordinator, Miss Ana Concepcion A. Penados, Nurse III; ug si Mr. Bharbie P. Imperial alang sa mga hisgotanan sa HIV, STI, TB ug Leprosy seminar, sa Barangay Sta. Filomena diin si Miss Penados naghisgot kabahin sa Tuberculosis (TB), ug Leprosy usa ka sakit nga matud pa niya usa ka treatable o curable.
Samtang si Mr. Imperial sa iyang bahin naghisgot kabahin sa Human Immunodeficiency Virus (HIV), Sexually Transmitted Infection (STI) nga giingong usa ka sakit nga manageable.Tipik kabahin sa HIV Status, pagpa-amgo nga usa gyud ka responsable nga tawo.
Sa makanunay ang duha ka mga lecturers nagpahimangno sa mensahe nga nag ingon “Be Faithful to your Partners” aron malikayan sa unsa mang mga sakit nga gihisgotan sa unahan, usa ka non-discriminatory sexual ug reproductive healthcare facility.
Nalakip usab niini nga programa mao ang alang sa mga tunghaan sa High Schools dinhi sa dakbayan sa Dipolog nga mao ang STI, HIV, AIDS, Mental Health and Teen Pregnancies Sessions (SHAMATS) nga napahigayon na kaniadto pang Desyembre, sa nilabay nga tuig ngadto sa mga tunghaan.
Sa pikas bahin,si Nurse Jonathan Dimasuhid, ang Nurse Development Project assigned sa Barangay Health Station sa Barangay Sta. Filomena, Dipolog City, usa sa mga facilitators sa maong Seminar aron malamposon kining mapahigayon sa maong kalihokan. (Medalyn U. Borja)
(Source: Dipolog City Government)