Arestado ang usa ka Other wanted person atol sa gihimo nga law enforcement operation sa mga personahe sa kapulisan niadtong Pebrero 25, 2026 sa mga alas 4:45 ang takna sa hapon, didto sa Purok Banicapt, Barangay Galas, ning dakbayan sa Dipolog.
Naila ang dinakpan nga si alyas “Jopita” , 56 anyos, babaye, biyuda, way trabaho, ug residente sa susamang Barangay,kinsa gidakop sa mga personahe sa Dipolog City Police Station pinasikad sa usa ka Warrant of Arrest tungod sa paglapas sa Republic Act No. 11055 (Philippine Identification System Act), nga nalakip sa Criminal Case No. M-CDO-26-00288-CR. Ang warrant gi-isyu niadtong Pebrero 25, 2026, sa Presiding Judge sa Municipal Trial Court in Cities, Branch 3, 10th Judicial Region, Dipolog City, Zamboanga del Norte nga adunay piyansa nga Php36,000.00.
Ang dinakpan nga wanted person anaa karon sa kustodiya sa Dipolog City Police Station alang sa hustong disposisyon ug angay nga mga proseso ngadto sa korte.(MEDALYN U. BORJA)
Source: ZNPPO