Usa ka 55 anyos nga Lalaki ang nasikop sa gikasa nga anti-illegal gambling operation sa mga personahe sa kapulisan ngadto sa Sari-sari store nga nahimutang sa Barangay Barra ning dakbayan sa Dipolog, mga alas 5:40 sa hapon , niadtong Disyembre 2,2024
Ang maong suspek naila nga usa ka 55 anyos nga Lalaki, minyo ug residente sa Poblacion, Manukan, Zamboanga del Norte,kinsa naglihok isip agent/collector sa “Suertres” nga walay pagtugot gikan sa Philippine Charity Sweepstakes Office (PCSO) usa ka paglapas sa RA 9287 (Illegal Numbers Game) o mas nailhan nga “Swertres”.
Gisikop kini pinaagi sa mga personahe sa Dipolog City Police Station (CPS), pinangulohan ni PLT Julito T. Pamaralan, ug nasakmit ang 1 ka piraso sa P500 peso bill, 1 ka piraso sa giputol nga papel sa sigarilyo nga adunay mga numero sa pagpusta nga adunay pirma, 2 ka notebook nga adunay listahan sa mga numero sa pagpusta, ug P300 pesos nga sukli sa pusta.
Ang mga nakumpiska gidala sa Dipolog City Police Station lakip ang dinakpan alang dokumentasyon ug tukmang disposasyon.(Medalyn U. Borja)
Source: ZNPPO