Nakabsan sa kinabuhi ang usa ka inahan human matagakan sa usa ka dakong bato samtang nagtiltil ug anapog sa Sitio Buyongan, Purok Uno, Brgy. Valencia, Alegria, Cebu, niadtong Disyembre 3, 2024.
Ang biktima mao si Geralyn Geolin, 37-anyos, minyo, ug inahan sa upat ka mga anak. Kauban niya ang iyang bana nga si Ricky Geolin, nga nagkubkob aron makakuha og anapog nga gamiton sa paghimo ug hollow blocks alang sa ilang balay.
Sumala sa imbestigasyon sa kapolisan, samtang nagtrabaho ang magtiayon, usa ka dakong bato nga gibana-banang mubug-at ug dili momenos 500 kilos ang niligid gikan sa ibabaw ug nidat-og kang Geralyn.
Ang insidente nagresulta sa grabeng kadaot sa iyang lawas na mao’y hinungdan sa iyang kamatayon.
Ang inahan sa biktima, si Sulpicia Letigio, nagtuo nga ang hinungdan sa paghulog sa bato mao ang paghumok sa yuta tungod sa sunod-sunod nga pag-uwan nga nasinati sa ilang lugar.
Ang magtiayon nagtuyo nga paninduton ang ilang balay alang sa umaabot nga pyesta sa ilang dapit, apan natapos kini sa trahedya.
Ang maong panghitabo nagbilin ug kasubo sa pamilya ug mga silingan sa biktima samtang ang Alegria Police Station naghimo pa og dugang imbestigasyon.
I via Renante Socia Lada