Sikop sa kapulisan sa Dipolog City Police Station ang usa ka 54 anyos nga babaye, tungod sa Krimen nga Qualified Theft, pinaagi sa gipahigayon nga Joint Law Enforcement Operation, didto sa Barangay Sta. Isabel, ning dakbayan sa Dipolog, Probinsiya sa Zamboanga Del Norte, niadtong Setyembre 22, 2025 sa may ala 1:30 sa hapon.
Giila sa Dipolog Pnp ang dinakpan sa alyas nga Maria, 54 anyos minyo ug Lumolupyo sa Purok 4, Barangay Langatian, Lungsod sa Roxas, ning mao ra usab nga Probinsiya, diin matud pa niini nga gisikop nila ang nasangpit nga suspetsado pinasikad sa Warrant of Arrest nga naka doket ubos sa Criminal Case No. 26720, nga giisyu ni Jose Rene Gallemit Dondoyano, ang Presiding Judge sa Regional Trial Court, 9th Judicial Region, Dipolog City, Zamboanga Del Norte, penitsahan og Setyembre 22, 2025
Sa pagka karon ang naasoy nga dinakpan atua na ubos sa kustodiya sa Dipolog City Police Station alang na sa tukmang disposisyon, samtang gihikay pa ang pagbalik sa Warrant of Arrest ngadto sa korte nga nag-isyu niini.(Julius Esmade)
Source: ZNPPO